പോലീസ് അസി. കമ്മീഷണറെ തിരിച്ചെടുക്കാനുള്ളഉത്തരവ് ആഭ്യന്തരമന്ത്രി മരവിപ്പിച്ചു
കോഴിക്കോട് മുൻ പോലീസ് അസിസ്റ്റന്റ് കമ്മീഷണർ എ. ഉമേഷിന്റെ സസ്പെൻഷൻ പിൻവലിച്ച് സർവീസിൽ തിരിച്ചെടുത്ത ഉത്തരവ് മരവിപ്പിക്കാൻ ആഭ്യന്തരമന്ത്രി രമേശ് ചെന്നിത്തല നിർദേശം നൽകി. കോഴിക്കോട് ജില്ലയിൽ ഇതുമായി ബന്ധപ്പെട്ട് കോൺഗ്രസിൽ ശക്തമായ പ്രതിഷേധത്തെ തുടർന്നാണ് ഈ നടപടി.
ചേവായൂർ ബാങ്ക് തിരഞ്ഞെടുപ്പിൽ സി.പി.എമ്മിനെ സഹായിച്ചതിന് കോൺഗ്രസ് നേതാക്കൾ ആഭ്യന്തരമന്ത്രിയെ നേരിട്ട് കണ്ട് എതിർപ്പ് അറിയിച്ചതിനെത്തുടർന്നാണ് ഉത്തരവ് മരവിപ്പിച്ചത്.
